އަލިވޮށޭ ތިޔައީ އެންމެ މާތް ނަބަވީ
ކައު ރަސޫލާ އޭ ރަންމުތޭ ނަބަވީ މާތްވީ
އަލިވޮށޭ ތިޔައީ އެންމެ މާތް ނަބަވީ
ތިޔައީ ހަނދޭ ދިއްލޭ ނޫރުން ވިދާލާ
ތިޔަ ސާހިބާއޭ ފަޒާ ކުރުވީ އުޖާލާ
މުޅިމިބިމުގާވޭ ނޫރުފުޅު ނަބަވީ މާތްވީ
އަލިވޮށޭ ތިޔައީ އެންމެ މާތް ނަބަވީ
ފެތުރުއްވެވީ އިސްލާމް ދީނޭ މިތާންގާ
ފުރިގެންނެ ހިތްތައް އައީ ލޯބިން އެކީގާ
ޝަރަފުވެރިތީ މާތް ޖާހުފުޅު ނަބަވީ މާތްވީ
އަލިވޮށޭ ތިޔައީ އެންމެ މާތް ނަބަވީ
ހިތުގާ މަގޭ ތިޔަމާތް އަލިނޫރު ވޭމެޔޭ
ޙަމްދާއި ޞަލަވާތް ދުލުން ތަކުރާރުވޭ މެޔޭ
ތިޔަ ނަބިއްޔާއޭ ރޫޙަކީ ނަބަވީ މާތްވީ
އަލިވޮށޭ ތިޔައީ އެންމެ މާތް ނަބަވީ
0 comments:
Post a Comment